Este traballo trata sobre aqueles lugares que un día foron un proxecto, de vida, ilusionante. Onde persoas puxeron o seu afán, quizais para formar unha familia, quizais un novo lugar de traballo, quizais o desenvolvemento dunha comunidade …

Pero, por algunha causa, ese afán viuse abortado antes do seu término. Como un ser nonnato, como unha morte prematura. Tarefa non levada a cabo que causa a frustración dos seus protagonistas convertendo ese lugar nunha especie de cemiterio de ilusións, camposantos sen lápidas.